الفستان دا لسن من 6 شهور إلى سنه
نحتاج شلتين من الخيط انا استخدمت اليز المخصص للبيبي
ابرة كروشيه مقاس 3 مللي
مقص وابرة التنضيف الخاصه للكروشيه, وحدة قياس
اولا هنحتاج مقاس دوران الرأس
طلع القياس 40 سم هاشتغل عدد من السلسله = 40 سم او غرزة الفاونديشن انا افضل هذه الغرزة لبدايه العمل عن السلسله خاصه للملابس تكون افضل
السطر التاني : هانشتغل غرزة عمود بلفه وبعد ذلك في الغرزة التاليه غرزة عمود بلفه وبعد كدا تزايد 2 عمود بلفه في نفس المكان ونكرر غرزة عمود بلفه غرزة عمود بلفة بعد كدا تزايد 2 عمود بلفه يعني هنزود كل تالت غرزة يعني 2 فردي وواحدة تزايد 2 فردي وواحدة تزايد وهكذا لحد اخر السطر
السطر التالت : هانشتغل قصاد كل غرزة عمود غرزة عمود مفيش اي تزايد هانشتغل بنفس عدد الغرز
السطر الرابع : هانكرر ال عملناه في السطر التاني
السطر الخامس : هانشتغل بنفس عدد الغرز مفيش تزايد
وهانستمر بنفس الطريقة سطر تزايد وسطر بنفس عدد الغرز لحد مانوصل للطول المناسب
هانعرف الطول دا ازاي هانقيس من اول الكتف لحد اخر الابط والمقاس دا ال هانحدد بيه طول الصدر الدائري
بعد كدا هانحتاج نقيس دوران الصدر ونقسمه على 4 والناتج اليطلع نسجله علشان هانحتاجه دلوقتي
انا طلع دوران الصدر معايا 56 ÷4= 14
هابتدي اجيب الوحدة ال اشتغلتها واتنيها نصفين بحيث تتشكل نصف دائرة بعد كدا اتنيها تاني واجيب وحدة القياس واقيس من الطرف لحد 14 سم والقياس المتبقي اعلمه بماركر لان دا هايكون مقاس حردة الابط والفيديو هايوضح اكتر ان شاء الله
بعد كدا هابتدي اشتغل عمود بلفه لحد ماوصل للماركر واوصل طرفين الحردة بغرزة العمود بلفة واكرر في الجهه الاخرى وبعد كدا في السطر البعده بتشتغلي الغرزة التحبيها والفستان دا انا اشتغلت غرزة المروحه
وغرزة المروحة لازم نعد الغرز وتكون بتقبل القسمه على 6 وممكن نزود سطر من العمود بلفه وننقص غرز او نزود غرز بحيث نوفق عدد غرز يقبل القسمه على 6
اترككم لمشاهدة فيديو الشرح
0 التعليقات:
إرسال تعليق